Cafeteria-yadu asal ahaan waa meelo loogu talagalay nasasho, is-dhexgal bulsho, iyo ka helidda xasillooni maskaxeed inta lagu jiro cabbidda ama qaadashada cunto fudud. Waa goobo uu qofku kaga baxsado mashquulka nolosha, kuna helo waqti uu maskaxdiisa ku dejiyo. Si kastaba ha ahaatee, marka la eego qaar badan oo ka mid ah Cafeteria-yada ku yaalla Soomaaliya si gaar ah Muqdisho, waxaa si isa soo taraysa loo dareemayaa buuq, sawaxan, iyo jawi ka fog ujeeddadii ay goobahani u sameysnaayeen.
Saameynta Buuqa iyo Sawaxanka
Buuqa joogtada ah wuxuu hoos u dhigaa tayada nasashada, wuxuuna carqaladeeyaa diiradda qofka. Qaar ka mid ah macaamiisha ayaa Cafeteria u taga:
🔹Inay si deggan ugu shaqaystaan
🔹Inay wax ku akhristaan ama ku fikiraan
🔹Inay yeeshaan kulan kooban oo aan buuq lahayn
Hase yeeshee, codadka is-dulsaaran, muusigga sare, iyo wada-sheekaysiga aan xakamaysnayn ayaa inta badan ka dhigaya goobahaas kuwo ka fog xasilloonida la doonayo.
Haddii aad Maqaaxi ama dukaan shaah timaaddo faldan raac tilmaamaha loogu talagalay, si aanad dadka u dhibin, jawigana u baddalin.
Si guud marka laga tago, dadka soo booqanaya goobaha qaxwaha, waxaa muuqata diyaarsanaan la’aan ka jirta dhanka maqaaxiyaha, haddaba maxaa looga baahan yahay Mulkiilayaasha maqaaxiyaha shaaha?
Xalal iyo Talooyin Lagu Yareyn Karo Buuqa loona Helo Jawi Deggan
1. Naqshad Cod-Damis ah
2. Xakameynta Muusigga
3. Qorsheynta Meelaha Gudaha
4. Wacyigelin iyo Dhaqan
5. Barashada Tusaalooyinka Caalamka
Sikastaba, waa in lafahmaa in Cafeteria aysan ahayn oo kaliya meel lagu cabbo kafee—waa meel maskaxda lagu nasiyo. Haddii la yareeyo buuqa iyo sawaxanka, Cafeteria-yada Muqdisho waxay noqon karaan goobo qofku si deggan ugu caweyn karo, isla markaana maskaxdiisa ku maali karo.
Su’aashu waa mid furan: ma dooranaynaa buuq mise nasiino?