{"id":1000010487,"date":"2026-02-18T22:05:56","date_gmt":"2026-02-18T22:05:56","guid":{"rendered":"https:\/\/somalistream.com\/som\/?p=1000010487"},"modified":"2026-02-18T22:05:56","modified_gmt":"2026-02-18T22:05:56","slug":"geedkii-la-quursaday-the-despised-tree","status":"publish","type":"post","link":"https:\/\/somalistream.com\/som\/2026\/02\/18\/geedkii-la-quursaday-the-despised-tree\/","title":{"rendered":"GEEDKII LA QUURSADAY (THE DESPISED TREE)"},"content":{"rendered":"

W\/Q. Maxamuud Cali Aadan Hoorri<\/strong><\/p>\n

Magacaygu waa \u201cgeedkii la quursaday\u201d. Waxa aan ahay geed ku hagaasay dhibka iyo belaayada ku habsatay. Waxa aan u baahanay hiil qaran iyo hoo waayeel. Mar kale ayuu ii soo dhowaaday, oo si faq ku jirto iigu yidhi: \u201cGaagaabsi haddii aan kuugu sheego waxa ka guuxaaya dubaaqayga iyo damiirkayga, waad qalbi jabaysaa\u201d. Ogow! Dhibka iyo cabashadaba waxa u keenay markii dusha laga saaray baco, qashin, daasado iyo reeryo culus oo ka samaysan maryo calal ah, tenegyo miriray; iyo qori-jab ayuu waayey bilicdii iyo quruxdii Eebbihii uumay uu ku manaystay.<\/p>\n

Geedkani waxa uu noo sheegay in culays saaran yahay, uuna jecel yahay inuu ku noqdo maruun sidiisii dabiiciga ahayd iyo waayihiisa farxadda. Baco iyo maryo calal ah ayaa hareeraha ka lusha; kuwa kalena waaba hareeyeen. Oo yaabaye, miyuusan u ekayn Masraxa Golaha Jamciyadda Guruumaha ka dhexaysa marka loo eego waxa ka lusha? Haa, boqollaal bacood oo midiiba cayn tahay ayaa ka laad-laada.<\/p>\n

Geedku waxa uu deris la yahay goob caafimaad \u201ccusbataal\u201d. Weliba, waxa uu ka soo horjeeday xilligaa qaybta arrimaha degdegga ah loo yaqaan (emergency department); taasina waa sheeko kale oo mudnaanteeda leh. Qashin iyo cudur ayaa deris la ah goobta caafimaadka; bugto iyo saro ayaa hor fadhiya xarunta caafimaadka.<\/p>\n

Meesha aan ka hadleynaa waa SOOMAALIYA ee maaha adduunyada kale.
\nHaa, waxa aan rajaynayaa inaad i fahantay nuxurka iyo mucda sheekadan. Laba koob oo shaah ah ayaan ka dalbanay makhaayad yar oo ku taalley kadinka cusbataalka; taa soo kaa qabaneysa dhanka midigta marka aad geleyso gudaha cusbataalka\u2014shaahu waxa uu ahaa dhaka-jebiye, filfil, sinjibiil, hayl iyo qorfe ayaa markiiba na qaatay. Shaahii markii aan ka laacnay ayaan is weydiiney xiriirka ka dhexayn kara goobta caafimaadka iyo geedka noocan ah! Maalinkaasi waxa uu ahaa maalin aannu geedka wax badan iska weydiiney. Xiriir iyo wax kaleba kama dhexayn; waxa keliya oo noo muuqday ayaa ahaa in dayac iyo darxumo geedka iyo goobtaba la soo deristey. Ujeedka aannu meesha u joogney waxa uu ahaa wiil ayaa iigu dhashay cusbataalka\u2014waana Alle mahaddii. Jaalle Maxamuudna si joogto ah ayuu ii soo booqan jirey maalin kasta, isagoo xaalkayga la socdey, mar kastana iga waraysan jirey caafimaadka hooyada iyo wiilkeeda yar.
\nXusuus iyo sheekaba aan kaa dabageeyee, jaalle, meeshaa waxa aan ka curiyey maanso kooban, soo na gudbinaysa sheeko na dhex martay aniga iyo geedkii dhibbanaha ahaa. Ciwaanka maansadu waxa uu ahaa \u201cGEEDKII LA QUURSADAY\u201d. Haa, weydiin iyo warcelin ka dib, afka ayaa juuqda gabay. Iminka garan maayo sida uu u egyahay qasriga (daarta) laga dhisay bogcaddii (booskii) uu ku yaalley geedku.<\/p>\n

Hilaaddii 2021-kii ayaan weydiiyey saaxiibkay Maxamuud (Mohamoud Everyday) inuu geedkii weli nool yahay ama uu meeshi ku yaal. Waxa uu ii sheegay in mar hore cagta la mariyey geedkii, oo weliba meeshii (bogcaddii) laga dhisay aqal aad u qurux badan.<\/p>\n

Marka aan soo gunaanadno illaawga iyo sheekada geedka, waxa inoo caddaanaysa inuu cabasho xoog leh muujiyey; midab-door iyo rafaad ayaa ka muuqday dushiisa. Daasado mirir leh iyo qashin ayuu gacan ka taagey; mar qura ayuu jeclaystay inuu sidiisii hore ku noqdo oo laga dejiyo bacaha, haylaha, gorofyada iyo caagadaha guudka ka daboolay.<\/p>\n

Mudane akhriste, waxa suurtagal ah inaan is weydiino: burburka iyo qashinku ma walaalaa? Mise qaran-jabka ayaa hagaaska iyo dib-u-dhaca wata? Dal burburay, dadkiisuna ma la burburaan? Warcelinta su\u2019aalahani waa hubaa inay tahay mid murugsan oo ku adag qof damiirkiisu noolyahay. Hilaaddu waxa ay ahayd bishii August 2015-kii; maansaduna waxay leedahay sidatan:<\/p>\n

Gallad waliba ehelkeed <\/em>
\nGuul waliba dowgeed<\/em>
\nGego waliba luuqdeed <\/em>
\nGocor waliba sebankii <\/em>
\nGuurti waliba doodeed<\/em>
\nGammaan waliba orodkii<\/em>
\nGeel waliba socodkii <\/em>
\nGidir waliba xoorkii<\/em>
\nGurgurshaa minqaadkii<\/em>
\nGeed waliba hooskii<\/em>
\nGaraad waliba dhimirkii<\/em>
\nGarashona yagleelgeed<\/em>
\nWaxaan uga golleeyahay<\/em>
\nGeed la quursadaan ahay <\/em>
\nGabayaa af kala qaad <\/em>
\nGeeraarshihiiyoow<\/em>
\nMaadigaa halkaagii gabay?<\/em>
\nMase waa gartaayoo<\/em>
\nWax ku gaasiraa jira?<\/em>
\nMaya, waa gardaranahay<\/em>
\nSaryan gees xun baan ahay<\/em>
\nGeenyo hebeda loo dhigo.<\/em><\/p>\n

Afartaa geddaydiyo <\/em>
\nDheha gocashadaydii<\/em>
\nGeed la quursadaan ahay.<\/em><\/p>\n

Aan galab-carrownee <\/em>
\nOwrka gibilka noo saar <\/em>
\nWaa guri la gubayoo <\/em>
\nBahaluhu ka guuxaan <\/em>
\nGod xun baan u hoydaa<\/em>
\nGarangoorri lagu gubay<\/em>
\nDulinkuna gun iyo baar<\/em>
\nGuunyada ku cirib tiro.<\/em><\/p>\n

Gafanaan la deris ahay<\/em>
\nAan wada sar goynee<\/em>
\nIla garo geddaan rabo <\/em>
\nSida webi ganaanoo <\/em>
\nGeesaha u kala baxay <\/em>
\nGufaacooyinkii mari<\/em>
\nAma dir gu\u2019 hooroo<\/em>
\nDhowr godol irmaanaa <\/em>
\nGuulaama roob kici.<\/em><\/p>\n

Gedda kale waxay tahay<\/em>
\nGurboodkiyo dhallaankiyo <\/em>
\nGanbooleyda dumarkiyo <\/em>
\nGarcaddaale odayada <\/em>
\nGaarsii sidaan ahay.<\/em><\/p>\n

Gaagaabsi ugu sheeg <\/em>
\nInaan ahay gasiin dhaba<\/em>
\nXilli gaajo badan tahay<\/em>
\nGeydhadu dul guban tahay<\/em>
\nGiiradu silloon tahay <\/em>
\nAdhigana la gowracan <\/em>
\nDadku waygu gaataan.<\/em><\/p>\n

Gabannaa i haybsada <\/em>
\nMiraa layga guran jiray <\/em>
\nMaantana waxaan gudo<\/em>
\nAma hiil waxaan galo<\/em>
\nMiyaad garan kareysaa?<\/em><\/p>\n

Afartaa geddaydiyo <\/em>
\nDheha gocoshadaydii <\/em>
\nGeed la quursadaan ahay.<\/em><\/p>\n

Gudbi oo ka sii soco<\/em>
\nGiraangiri waxaan rabo<\/em>
\nAdigoo garaaddo leh<\/em>
\nGarta meel ka wada goy <\/em>
\nGacalkana la haasaw <\/em>
\nGarashadana igu hubi<\/em>
\nGaagaabsi ugu sheeg <\/em>
\nBir ma geydo inaan ahay<\/em>
\nInaan ahay gabbad dhaba<\/em>
\nGuunyadu ku hiratee.<\/em><\/p>\n

Gedda kale waxay tahay;<\/em>
\nHoorriyow gef baa dhacay <\/em>
\nGarangari ma roor baa?<\/em>
\nGeyllan dumar ma doogaa? <\/em>
\nGaaggaxo ma darar baa?<\/em>
\nGeelwaaq ma daran baa?<\/em>
\nGeeraar ma gabay baa?<\/em>
\nGuuroow ma hees baa?<\/em>
\nGayradaac ma subax baa?<\/em>
\nGowricis ma nolol baa?<\/em>
\nGarwaansigu ma gaajaa?<\/em>
\nGardho geel ma suuf baa?<\/em>
\nGaltinnimo ma diid baa? <\/em>
\nGelbis dhacay ma reen baa?<\/em>
\nGaloof geel ma ramag baa?<\/em><\/p>\n

Ini Hoorri Gacan-yare <\/em>
\nXiddiggii galgaalbaa <\/em>
\nGalowkooma keenee <\/em>
\nGabbal dhiciyo waaberi<\/em>
\nGocashaan ku suganahay.<\/em><\/p>\n

Ninna gaar igama hayn<\/em>
\nNinna godin igama dayn<\/em>
\nNinna qodax i gama gurin<\/em>
\nHayeeshee bal googgaa? <\/em>
\nHal-xiraale gaammuray<\/em>
\nGacalka aan u sheegnee<\/em>
\nIga gunud u jeeddada.<\/em><\/p>\n

Geedyohow bal geeloo<\/em>
\nGeedyogow la gaasiray<\/em>
\nGeedyohow la dhaawacay <\/em>
\nGeedyohow la quursaday <\/em>
\nGeedyohow la eersaday <\/em>
\nGeedyohow la agab tiray <\/em>
\nGeedyohow hu’gii dhigay<\/em>
\nGeedyohow gadoodsani <\/em>
\nOraah gaammuraa tidhi;<\/em>
\nGujoo laysu qariyaa <\/em>
\nGacma daalis weeyaan<\/em>
\nAan kuu garaabee <\/em>
\nGarta aan ku siiyee <\/em>
\nGebigeed adduunyadan <\/em>
\nGuryasama laga degay <\/em>
\nGundhigeeda xaajada<\/em>
\nNinba geyi ha sheegtee<\/em>
\nAma gobol ha joogee <\/em>
\nGeesaha markaan dayey <\/em>
\nGarashana gun uga dhigay <\/em>
\nMiisaanka gabaygiyo<\/em>
\nMilgihiisa gocashada <\/em>
\nAnigoon ka gaaggixin <\/em>
\nAma godol-macaan tirin<\/em>
\nAdigana ku garab marin <\/em>
\nDadku waa gun badatiyo <\/em>
\nGob yaraatay weeyaan.<\/em><\/p>\n<\/div>","protected":false},"excerpt":{"rendered":"

W\/Q. Maxamuud Cali Aadan Hoorri Magacaygu waa \u201cgeedkii la quursaday\u201d. Waxa aan ahay geed ku hagaasay dhibka iyo belaayada ku habsatay. Waxa aan u baahanay hiil qaran iyo hoo waayeel. Mar kale ayuu ii soo dhowaaday, oo si faq ku jirto iigu yidhi: \u201cGaagaabsi haddii aan kuugu sheego waxa ka guuxaaya dubaaqayga iyo damiirkayga, waad […]<\/p>\n","protected":false},"author":2,"featured_media":1000010488,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[25],"tags":[],"class_list":{"0":"post-1000010487","1":"post","2":"type-post","3":"status-publish","4":"format-standard","5":"has-post-thumbnail","7":"category-aragtida"},"_links":{"self":[{"href":"https:\/\/somalistream.com\/som\/wp-json\/wp\/v2\/posts\/1000010487","targetHints":{"allow":["GET"]}}],"collection":[{"href":"https:\/\/somalistream.com\/som\/wp-json\/wp\/v2\/posts"}],"about":[{"href":"https:\/\/somalistream.com\/som\/wp-json\/wp\/v2\/types\/post"}],"author":[{"embeddable":true,"href":"https:\/\/somalistream.com\/som\/wp-json\/wp\/v2\/users\/2"}],"replies":[{"embeddable":true,"href":"https:\/\/somalistream.com\/som\/wp-json\/wp\/v2\/comments?post=1000010487"}],"version-history":[{"count":1,"href":"https:\/\/somalistream.com\/som\/wp-json\/wp\/v2\/posts\/1000010487\/revisions"}],"predecessor-version":[{"id":1000010489,"href":"https:\/\/somalistream.com\/som\/wp-json\/wp\/v2\/posts\/1000010487\/revisions\/1000010489"}],"wp:featuredmedia":[{"embeddable":true,"href":"https:\/\/somalistream.com\/som\/wp-json\/wp\/v2\/media\/1000010488"}],"wp:attachment":[{"href":"https:\/\/somalistream.com\/som\/wp-json\/wp\/v2\/media?parent=1000010487"}],"wp:term":[{"taxonomy":"category","embeddable":true,"href":"https:\/\/somalistream.com\/som\/wp-json\/wp\/v2\/categories?post=1000010487"},{"taxonomy":"post_tag","embeddable":true,"href":"https:\/\/somalistream.com\/som\/wp-json\/wp\/v2\/tags?post=1000010487"}],"curies":[{"name":"wp","href":"https:\/\/api.w.org\/{rel}","templated":true}]}}